Oo. Nagseselos ako. Hindi ko alam kung anong ginagawa mo ngayon o kung sino ang kasama mo pero yung iniisip ko palang na may kausap kang iba, para ng dinudurog yung puso ko. Mali nga na naprapraning ako kasi, una, hindi naman tayo at pangalawa, wala lang naman ako para sayo. Isang hamak na, KAIBIGAN.

Ngumiti nalang ako pag kwenekwetuhan mo ako tungkol sa mga babaeng sexy, maganda at maputi na nagiging crush mo pero sa loob loob ko, sukdulan na ang paghiling ko na sana, AKO NALANG. Pero di ako magiging ganun eh. Hindi ako maganda. O sexy. O maputi. Eto lang ako oh. GANITO LANG AKO.

Pinipilit kong magbago para sayo. para naman, kahit konti manlang makita mo naman ako. Ngunit sadyang napakabulag mo. Ang problema kasi, ikaw MANHID. Ako, TANGA. Bagay sana tayo kaso nga lang bukod sa manhid ka na, BULAG ka pa. Kailangan ko pa bang sabihin sayo na ang manhid-manhid mo. GUSTO KITA, sobra pa sa sobra-sobra.

Sinasabi mo na masaya akong kasama o kausap o katropa. Hanggang ganun lang siguro ako. Kasi hindi ako yung klase ng babaeng magugustuhan mo. Pero wag kang mag-alala. Suportado naman kita lagi e. Kahit nga sa pagdeskarte sa ibang babae, back up mo ako. BACK UP lang.

Sana, kahit minsan, pag nag-iisa ka, maramdaman mo naman na hindi kita iniiwan kahit gaano ka kahirap mahalin. Ganun kasi yun e. GANUN AKO MAGMAHAL. Ganun kita kamahal.