Dear best friend,

Namimiss na kita. Namimiss ko na mga bonding moments natin, mga walang katapusan na chikahan nating dalawa, mga kulitan at asaran natin. Dati, lagi tayong magkasama. Hindi tayo mapaghiwalay. Lahat ng secrets mo alam ko. Lagi kang nagkukwento sa akin. Inaaway mo lahat ng nananakit sakin, sa tuwing umiiyak ako o may problema lagi kang nasa tabi ko… pero lahat nagbago. Nagbago simula nung dumating siya sa buhay mo.. yung lalaking unang nagpatibok ng puso mo. Kahit kelan hindi naman ako naging hadlang sa relasyon niyong dalawa dahil sa totoo lang gusto ko siya para sayo.. kaso parang nakakalimutan mo na ko nun. Lahat na ng oras mo na sakanya pero dahil best friend kita inintindi pa rin kita. Naramdaman ko nun na parang ang layo layo na ng loob mo sakin. Iba na yung kasabay mo mag-recess at umuwi. Ang sakit lang, may boyfriend ka na nga. May bago ka pa atang kaibigan. Pero kahit ganun, hindi nagbago yung turing ko sayo bilang best friend ko. Nandito pa rin ako.. Kapag sinaktan ka niya pwede mo kong iyakan. Kapag tinalikuran ka lahat ng bago mong kaibigan ‘wag kang mag-alala nandito pa rin ako.